უკრაინული აგროსამრეწველო გაერთიანება "ამარანტი'' აჭარაში მეფრინველეობის ფერმის მშენებლობით დაინტერესდა. აჭარის სოფლის მეურნეობის სამინისტროს ინიციატივით, რეგიონში ვიზიტით უკრაინის აგროსამრეწველო გაერთიანება "ამარატნის'' წარმომადგენლები იმყოფებოდნენ.
აჭარის სოფლის მეურნეობის სამინისტროს ინფორმაციით, ვიზიტის ფარგლებში მოლაპარაკებები გაიმართა რეგიონში სასოფლო-სამეურნეო პროდუქციის წარმოების გაფართოებისა და უკრაინიდან იმპორტის განხორციელების მიმართულებით, გამოითქვა დაინტერესება მეფრინველეობის ფერმის ამოქმედებაზე.
საქმიანი შეხვედრა გაიმართა ასევე ზეთის მწარმოებელ კომპანია "ბათოილის'' ხელმძღვანელობასთან, ზეთის წარმოება-გადამუშავების მიმართულებით საერთაშორისო გამოცდილების გაზიარებისა და სამომავლო ურთიერთთანამშრომლობის მიზნით.
