2012 წლის ლონდონის ოლიმპიადის ბილეთების გაყიდვა დაიწყო. 6.6 მილიონი ბილეთი ოლიმპიადის ვებ.საიტის საშუალებით გაიყიდება. როგორც ორგანიზატორები აცხადებენ, ბილეთების ყიდვის პროცესში ყველა თანაბარ პირობებში იქნება.
ბილეთის მინიმალური ფასი 20 გირვანქა სტერლინგია, ხოლო მაქსიმალური 2012 გირვანქა სტერლინგი. ტრაფალგერის სკვერზე დამონტაჟებულმა სპეციალურმა საათმა უკვე დაიწყო ათვლა ოლიმპიადამდე დარჩენილი დღეების. ლონდონის ოლიმპიადამდე 500 დღეა დარჩენილი.
