კომპანია "ბერტა" კლიენტებს სხვადასხვა არომატის საბავშვო საპონს_"ოვაციას" შესთავაზებს. კომპანია "ბერტას" საზოგადოებასთან ურთიერთობის მენეჯერი ანი დათიაშვილი აცხადებს, რომ სხვა პროდუქციასთან ერთად, მათი კომპანია საბავშვო საპნებსაც აწარმოებს.
"ჩვენი კომპანიის საპნის საწარმოში ეტაპობრივად ბავშვთა და სხვა ზომის საპნებსაც ვუშვებთ. ამჯერად საუბარია 100-გრამიან საპონზე, სახელად_"ოვაცია", რომელიც ბაზარზე ცოტა მოგვიანებით გამოვა. ამ საპნის ოთხ ტიპს შევთავაზებთ მყიდველს. კერძოდ, ეს იქნება საპონი მწვანე ჩაის არომატით, პროპოლისით, რძითა და თაფლით, ქართული ყურძნის არომატითა და ლავანდით", _ აცხადებს დათიაშვილი "ჯი-ეიჩ-ენთან" საუბრისას.
შეგახსენებთ, სოფელ წეროვანის მიმდებარე ტერიტორიაზე განთავსებული კომპანია "ბერტას" ოფიციალური გახსნა 21 მარტს იგეგმება, მისი პროდუქცია კი ქართულ ბაზარზე თვის ბოლოს შემოვა. "ბერტა" საყოფაცხოვრებო მოხმარებისა და ჰიგიენური საშუალებების ადგილობრივი პროდუქტების პირველი და უდიდესი მწარმოებელია ამიერკავკასიის რეგიონში. საწარმოში 200-მდე ადამიანია დასაქმებული, მათგან 100-მდე დევნილია. მათი საშუალო ანაზღაურება 400-500 ლარია.