არაბულ ქვეყნებში არეულობების არეალის გაფართოების შემთხვევაში ბარელი ნავთობის ღირებულება შესაძლოა ორჯერ გაიზარდოს. ამის შესახებ დიდი ბრიტანეთის საერთაშორისო განვითარების საქმეების მინისტრმა ალან დუნკანმა განაცხადა.
მისი პროგნოზით, შესაძლოა, ბარელი ნავთობის ფასმა 200 დოლარს მიაღწიოს. ეს ბევრად აღემატება 2008 წლის სარეკორდო მაჩვენებელს, როცა ერთი ბარელის ფასი 147 დოლარი გახდა.
დუნკანი შიშობს, რომ იმ შემთხვევაში თუ ექსტრემისტები დესტაბილიზაციას გამოიყენებენ ნავთობის ტანკერებზე და ასევე ნავთობსადენებზე ან საუდის არაბეთის რეზერვებზე იერიშის მისატანად მაშინ ნავთობის ფასმა შესაძლოა 250 აშშ დოლარს მიაღწიოს.
დუნკანი 30 წელზე მეტი მუშაობდა სპარსეთის ყურეში, როგორც დამოუკიდებელი კონსულტანტი.
