თეთრი სახლის აზრით, რუსეთს შანსი აქვს ვაჭრობის მსოფლიო ორგანიზაციასთან მიერთების პროცესი მიმდინარე წელსვე დაამთავროს.
"ამოცანა ვმო-ში 2011 წელს გაწევრიანების შესახებ თავად რუსეთის მიერ არის დასახული. მას წელს ამის შანსი აქვს, თუმცა ამისთვის ჯერ კიდევ გარკვეული სამუშაოებია ჩასატარებელი", - განაცხადა აშშ-ს ვიცე-პრეზიდენტმა ჯოზეფ ბაიდენმა მოსკოვში ვიზიტის დაწყებამდე.
უნდა აღინიშნოს, რომ რუსეთის ვმო-ში გაწევრიანების შემთხვევაშიც კი აშშ-რუსეთის სრულფასოვანი სავაჭრო ურთიერთობები დამოკიდებული იქნება შეერთებული შტატების კონგრესზე, რადგან მიმდინარე პერიოდში რუსეთთან მიმართებაში მოქმედებს ჯეკსონი-ვენიკის შესწორება.
აღნიშნული შესწორება ცივი ომის პერიოდიდან საგარეო ვაჭრობის ურთიერთობებს აშშ-სა და ყოფილ საბჭოთა კავშირს შორის თავისუფალი ემიგრაციის საკითხს უკავშირებდა.
საბჭოთა კავშირის დაშლის შემდეგ აღნიშნული ნორმა არ გაუქმებულა.
