სწრაფი კვების ქსელმა Subway რესტორნების რაოდენობის მიხედვით, თავის მთავარ მეტოქეს_მაკ დონალდს გაუსწრო და მსოფლიოში ყველაზე დიდი ქსელის მფლობელი გახდა. როგორც The Wall Street Journal იტყობინება, 2010 წლის ბოლოს Subway-მ მთელ მსოფლიოში 33749 გაყიდვების ცენტრი გახსნა. მაშინ, როცა მაკდონალდსმა - 32737.
თავისი პირველი რესტორანი Subway -მ 1984 წელს ბახრეინში გახსნა. დღესდღეობით მას 10 ათასი სავაჭრო ობიექტი აქვს მთელ მსოფლიოში, რომლის შემოსავალიც წელიწადში 4,7 მილიარდი დოლარია. მარტო აშშ-ში Subway ყოველწლიურად 10,5 მილიარდ დოლარის სენდვიჩებს ყიდის.
ამერიკული ბაზრის გადავსების გამო კვების მრეწველობის ადგილობრივი ქსელები ცდილობენ, განვითარებადი ბაზრები აითვისონ, განსაკუთრებით - აზიაში.
მაგალითისთვის, Subway შეეცდება 2020 წლისთვის ამერიკის დონემდე მოამატოს რესტორნების რაოდენობა. მეორე ქსელი Starbucks-ი კი ჩინეთში აპირებს კაფეების გახსნას.
მაკდონალდსიც გეგმავს აქტიურად განვითარდეს აშშ-ის საზღვრებს გარეთ. თუმცა, ამ მონაცემების მიუხედავად, მაკდონალდსის სავაჭრო ქსელში მაინც მიიჩნევენ, რომ იგი ძველებურად მსოფლიო ლიდერად რჩება. ოღონდ ამ მონაცემებს არა რესტორანთა რაოდენობით, არამედ_შემოსავლის მიხედვით ითვლის.
