გუშინ საღამოს, თბილისის დიდი საკონცერტო დარბაზის წინ ცნობილი მოცეკვავის ომარ მხეიძის ვარსკვლვი გაიხსნა.
ამ დღესთან დაკავშირებით, ფილარმონიაში ანსამბლ "სუხიშვილების", "ერისიონისა" და "რუსთავის" მონაწილეობით კონცერტი გაიმართა. კონცერტში ქართული ესტრადის შემსრულებლებიც მონაწილეობდნენ.
ომარ მხეიძე 30 წლის განმავლობაში სხვადასხვა ქორეოგრაფიულ ანსამბლში მოღვაწეობდა. ყველაზე გამორჩეული კი მისი მოღვაწეობა ანსამბლ "სუხიშვილებში" იყო.