ამერიკულ სიმინდზე მზარდი მოთხოვნის გამო სოფლის მეურნეობის სამინისტროს სიმინდის ახალი პარტიის შემოტანა უწევს. როგორც დღეს სოფლის მეურნეობის მინისტრმა ბაკურ კვეზერელმა განაცხადა, სიმინდის დამატებითი მოცულობის შემოტანაზე განაცხადი უკვე გაკეთებულია.
"მიუხედავად იმისა, რომ ჩვენ საკმარისი რაოდენობის სიმინდი შემოვიტანეთ, დამატებითი სიმინდის შეკვეთა მოგვიხდა, რადგან განაცხადები ბევრად უფრო მეტი აღმოჩნდა ვიდრე თავდაპირველად იყო დაგეგმილი. სიმინდს ყველას აგროვადებში მივაწვდით და აღმოვუჩენთ იმ საკონსულტაციო დახმარებას რაზეც ფერმერებთან ვართ შეთანხმებულნი"- განაცხადა ბაკურ კვეზერელმა. სოფლის მეურნეობის მინისტრის თქმით, მომავალ წელს ამერიკული სიმინდი უფრო მეტ ფართობზე დაითესება.
"ჩვენი მიზანია, ეს მაღალმოსავლიანი თესლი უფრო მეტ ფართობზე დაითესოს. ძალიან მნიშვნელოვანია მექანიზაციის პროგრამა, რომელიც დღეს უკვე არ გულისხმობს მოლოდ ტრაქტორის შემოყვანას და უზრუნველყოფას, არამედ გულისხმობს ძალიან თანამედროვე მისაბმელი აგრეგატების შემოყვანას და ჩვენი ფერმერის უზრუნველყოფას" - განაცხადა ბაკურ კვეზერელმა.
მასალის გამოყენების პირობები