დღეს ვარდების მოედანზე სამარშრუტო ტაქსების მფლობელთა და მძღოლების მონაწილეობით საპროტესტო აქცია გაიმართა. მძღოლები მერიის მიერ სამარშრუტო ტაქსებისთვის გამოცხადებული ტენდერის შედეგების გაუქმებას მოითხოვენ.
მძღოლების აქციას თანადგომა გამოუცხადეს "კონსერვატორებმა", "თავისუფალი საქართველოს", "ქართული პარტიის" , "ხალხის პარტიის", სახალხო კრების, "თავისუფალი დემოკრატების", "სოლიდარობა უკანონო პატიმრებს", დევნილთა სამოქალაქო მოძრაობის" და სხვა პოლიტიკური თუ არასამთვრობო ორგანიზაციის წევრებმა.
როგორც "ჯი-ეიჩ-ენთან" საუბრისას კონსერვატიული პარტიის წევრმა ლაშა ჩხარტიშვილმა აღნიშნა, ხელისუფლებამ ტენდერი უნდა გააუქმოს, რადგან ამ სფეროს სახელისუფლო მონოპოლიზაცია აშკარაა.
"ხელისუფლება საზოგადოების ცალკეულ ფენას დევნის. ზაფხულიდან მოყოლებული, ისინი დევნიდნენ გარემოვაჭრეებს, შემდეგ_ დევნილებს, ამჯერად კი მძღოლების რიგი დადგა. ხელისუფლების სურვილია, ბიზნესის ყველა სფერო ხელში ჩაიგდოს. ისინი მრავალ მილიონ ლარს შოულობენ. ესაა ელიტარული კორუფცია.,"_აცხადებს ჩხარტიშვილი.
მისი თქმით, ტენდერში გამარჯვებული კომპანია ჯი-ემ-სი ჯგუფის რესტორანთა ქსელშია დარეგისტრირებული, რომლის მფლებელიცაა შარანგია_მიხეილ სააკაშვილის კურსელი.
"ჩვენს ხელთ არსებული ინფორმაციიოთ, შარანგია "ბილაინის" მფლობელიცაა. ამ ერთეული ადამიანების გამო უსამსახუროდ დატოვება ემუქრებათ არა მარტო სამარშრუტო ხაზების მფლობელებს, არამედ_მძღოლებსაც,"_აღნიშნა ჩხარტიშვილმა.
მისი თქმით, საპროტესტო აქციები კვლავაც გაგრძელდება, რადგან ამ ხელისუფლების პირობებში სამარშრუტო ტაქსების მფლობელები საკუთარი მანქანით ვეღარ იმუშავებენ.
"ტენდერის პირობების თანახმად, გამარჯვებული კომპანია ექვსი თვის შემდეგ მძღოლებს 10 ლარს მოსთხოვს ყოველდღიურად, თუ 40 ლარს, ეს უკვე მეორეხარისხოვანია, რადგან ამ ხალხს საკუთარი მანქანითYმუშაობის უფლებას აღარ მისცემენ,A"_აღნიშნა ლაშა ჩხარტიშვილმა.
