დიდუბე-ჩუღურეთის რაიონის ბარაკის ტიპის საცხოვრებელ სახლს ხანძარი გაუჩნდა
წუხელ ლარეხის #13 ქუჩაზე მდებარე საცხოვრებელ სახლს ცეცხლი გაუჩნდა. მომხდარის შედეგად არავინ დაშავებულა, თუმცა სამი ოჯახი უსახლკაროდ დარჩა.
წინასწარი ინფორმაციით, ცეცხლი მოძველებული ელექტროგაყვანილობის შედეგად გაჩნდა და ერთსართულიანი ბარაკის ტიპის შენობის 150 კვ. მეტრს მოედო. ხანძრის შედეგად ორი ოთახი და სახლის სახურავი დაიწვა.
შემთხვევის ადგილზე 12 სახანძრო ეკიპაჟი მუშაობდა. მათ ცეცხლის კერების ლოკალიზება მალევე მოახდინეს და ხანძარი სხვა სახლებზე არ გადასულა.
დაზარალებულებს დიდუბე-ჩუღურეთის რაიონის გამგეობა დაეხმარება. გამგეობის დაპირებით, ისინი სამ ოჯახს ქირით გაიყვანენ.
