აღსრულების ეროვნული ბიურო მოქალაქეებს ელექტრონულ სერვისებთან დაკავშირებით კონსულტაციებს უწევს. ბიუროს მთავარ ოფისში მოსულ მომხმარებელს შესაძლებლობა აქვს, ელექტრონულ აუქციონში მონაწილეობის მიღებითვის აუცილებელ პროცედურებთან დაკავშირებით, ასევე, მოვალეთა რეესტრისა და სააღსრულებო საქმისწარმოების ელექტრონული რეესტრის შესახებ ამომწურავი ინფორმაცია მიიღოს.
აღსრულების ეროვნული ბიუროს კონსულტანტები მოქალაქეებს, მათი სურვილისამებრ, ელექტრონული აუქციონების ვებგვერდზედაც არეგისტრირებენ და სასურველ აუქციონში მონაწილეობის მიღებაში ეხმარებიან. ასევე უხსნიან მოვალეთა და საქმისწარმოების ელექტრონული რეესტრების მომხარების ინსტრუქციას.
ელექტრონულ სერვისებთან დაკავშირებით, მოქალაქეებისთვის უფასო კონსულტაციების გაწევა აღსრულების ეროვნულმა ბიურომ მიმდინარე კვირიდან დაიწყო. მიღებული კონსულტაციების შედეგად მოქალაქეებს შესაძლებლობა ექნებათ, აღსრულების ეროვნული ბიუროს ელექტრონული სერვისებით დამოუკიდებლად ისარგებლონ - სახლიდან და ოფისიდან გაუსვლელად ელექტრონულად შეიძინონ სასურველი ნივთები საიტზე www.eauction.ge და აღსრულების ეროვნული ბიუროს ტერიტორიულ ბიუროებში მისვლის გარეშე მიიღონ ამომწურავი ინფორმაცია სააღსრულებო საქმისწარმოებისა და აღსრულებასთან დაკავშირებით არსებული ნებისმიერი სხვა საკითხის შესახებ.
