მსოფლიოს ერთ-ერთმა ავტორიტეტულმა საავიაციო გამოცემამ Air Transport World -მა დუბაის საერთაშორისო ავიაგადამზიდავი Emirates 2011 წლის საუკეთესო კომპანიად დაასახელა. ჯილდო "უსაფრთხოების განვითარების, საუკეთესო საქმიანობის, კლიენტების ბრწყინვალე მომსახურებისა და საუკეთესო ფინანსური მაჩვენებლებისათვის" კომპანიის პრეზიდენტს ტიმ კლარკს, ვაშინგტოში გამართულ გალა საღამოზე, გადაეცა.
კომპანიის პრეზიდენტმა განაცხადა, რომ მათ შეძლეს ახალი მარშუტების შექმნა, რომელზედაც საწვავის მნიშვნელოვანი ეკონომია და შესაბამისად ატმოსფეროს დაბინძურება მათი მხრიდან მინიმუმამდე შემცირდა.
"ჩვენი მიღწევების საფუძველზე, 400 საერთაშორისო ჯილდო მივიღეთ სხვადასხვა კატეგორიებში. 2009-2010 საფინანსო წლებში კომპანიის მიერ გადაყვანილ იქნა 27,5 მლნ. ადამიანი, რაც 4,7 მლნ-ით მეტია წინა წლის მაჩვენებელზე"- განაცხადა კლარკმა.
კომპანია Emirates -მა საქმიანობა 1885 წელს დაიწყო, მისი შემოსავალი ყოველწლიურად 20 %-ით იზრდება.
