საფრანგეთის შინაგან საქმეთა მინისტრმა ლორან ნიუნესმა მოსწავლეთა საპროტესტო აქციების ფარგლებში პოლიციის მიერ ხმოვანი ყუმბარების გამოყენების შეჩერების გადაწყვეტილება მიიღო. გადაწყვეტილება მას შემდეგ გამოცხადდა, რაც ქვეყნის ჩრდილოეთ ნაწილში, ლანსში, 15 წლის მოზარდმა პოლიციის მიერ გამოყენებული ყუმბარის აფეთქების შედეგად ხელი დაკარგა.
ნიუნესმა განაცხადა, რომ ყუმბარების გამოყენება შეჩერდება მანამდე, ვიდრე ინციდენტის ყველა გარემოება არ დადგინდება. საფრანგეთის პოლიციის გენერალურმა დირექტორმა შესაბამისი დროებითი გადაწყვეტილება უკვე 6 ოქტომბერს გასცა.
მინისტრის ინფორმაციით, მოსწავლეთა საპროტესტო მოძრაობასთან დაკავშირებულ შემთხვევებზე პოლიციის გენერალურმა ინსპექციამ 18 გამოძიება დაიწყო.
საფრანგეთში მოსწავლეთა პროტესტები რამდენიმე კვირაა გრძელდება. დემონსტრანტები სკოლებში უკეთეს პირობებს, დამატებით მასწავლებლებსა და განათლებისთვის დაფინანსების გაზრდას მოითხოვენ. ბოლო დღეებში აქციების ნაწილი პოლიციასთან დაპირისპირებაში გადაიზარდა.
