7 ოქტომბრის ღამით უკრაინის დედაქალაქ კიევზე რუსეთის მორიგი სარაკეტო თავდასხმის შედეგად ორი ადამიანი დაიღუპა. კიევის მერის, ვიტალი კლიჩკოს განცხადებით, საჰაერო იერიშის შედეგად ავტოფარეხების ტერიტორიაზე ხანძარი გაჩნდა, სადაც მაშველებმა ორი ცხედარი იპოვეს.
თავდასხმის შედეგად ქალაქში ასევე დაზიანდა შენობები და სასაწყობე ობიექტები. იუწყება Reuters
რუსეთის სარაკეტო თავდასხმის დროს მოქალაქეებმა თავი კიევის მეტროსადგურს შეაფარეს.
დარტყმები დაფიქსირდა ობოლონის, შევჩენკოს, პოდოლისა და დარნიცის რაიონებში.
რუსეთის საჰაერო დარტყმების შედეგად ქალაქ დნიპროში სამრეწველო ობიექტი, ზაპოროჟიეში სატრანსპორტო ინფრასტრუქტურა, ხოლო კრემენჩუკში საცხოვრებელი კორპუსები დაზიანდა.
