უკრაინის პრეზიდენტის ოფისის ხელმძღვანელმა კირილო ბუდანოვმა განაცხადა, რომ უკრაინას, რუსეთსა და აშშ-ს შორის სამშვიდობო მოლაპარაკებების მორიგი რაუნდისთვის მზადება მიმდინარეობს და შეხვედრა ოქტომბერში იგეგმება. ამის შესახებ მან YES Annual Meeting 2026-ის ფარგლებში ჟურნალისტების კითხვაზე პასუხად განაცხადა.
„ვემზადებით. ოქტომბერში“, - თქვა ბუდანოვმა.
მისი თქმით, საუბარია სამმხრივ ფორმატზე, თუმცა პრეზიდენტის ოფისის ხელმძღვანელს არ დაუკონკრეტებია, სად შეიძლება გაიმართოს მოლაპარაკებების მორიგი შეხვედრა.
მანამდე, რუსეთის პრეზიდენტის პრესსპიკერმა დმიტრი პესკოვმა განაცხადა, რომ კრემლი უკრაინასა და აშშ-სთან სამმხრივი სამშვიდობო მოლაპარაკებების უახლოეს მომავალში განახლებას ელოდება.
თუმცა, მისი თქმით, ამ ეტაპზე ომის დასრულების შესახებ კონკრეტული სამშვიდობო შეთანხმების გეგმა არ არსებობს.
