კოალიცია "ცვლილებისთვის" ერთ-ერთი ლიდერი, ნიკა გვარამია "ნაციონალური მოძრაობის" წევრის, გიორგი ბარამიძის დაკავებას სოციალურ ქსელში ეხმიანება.
გვარამია გიორგი ბარამიძეს სრულ მხარდაჭერას უცხადებს.
"გია ბარამიძე ქართველი პატრიოტია და მისთვის წარდგენილი ბრალი არის პოლიტიკური დევნის მორიგი აქტი ანტიქართული რეჟიმის მხრიდან. ჩემი სრული მხარდაჭერა გიას და მის ოჯახს! ჩემი სოლიდარობა გიას მეგობრებს და ნაციონალურ მოძრაობას!" - წერს ნიკა გვარამია.
ცნობისთვის, პროკურატურის ინფორმაციით, „ნაციონალური მოძრაობის" ერთ-ერთი ლიდერი გიორგი ბარამიძე სამშობლოს ღალატის, კერძოდ საბოტაჟის ბრალდებით დააკავეს. საქმე ეხება აფხაზეთის ომზე ბარამიძის მიერ გაკეთებულ განცხადებას. აღნიშნული ბრალდება სასჯელის სახედ და ზომად 4 წლამდე თავისუფლების აღკვეთას ითვალისწინებს.
