აშშ-ის პრეზიდენტმა დონალდ ტრამპმა განაცხადა, რომ ვაშინგტონი ირანის მიერ ამერიკულ ძალებზე განხორციელებულ თავდასხმას „ძლიერად უპასუხებს“.
„ჩვენ მათ ძლიერად დავარტყამთ. პასუხი იქნება“, - განუცხადა ტრამპმა Fox News-ს.
ტრამპის განცხადება მას შემდეგ გაკეთდა, რაც ირანმა იორდანიაში მდებარე აშშ-ის სამხედრო ბაზებზე სარაკეტო იერიში მიიტანა. ირანმა განაცხადა, რომ თავდასხმა აშშ-ის მიერ ლარაკის კუნძულზე განხორციელებულ დარტყმაზე საპასუხო იყო.
აშშ-ის ძალებმა ლარაკის კუნძულზე ორი ირანული სარაკეტო გამშვები დაბომბეს. ვაშინგტონის განცხადებით, ირანის სამხედროები ჰორმუზის სრუტეში საზღვაო ნაღმების განთავსებისთვის რაკეტების გამოყენებას გეგმავდნენ, რაც საერთაშორისო ნაოსნობისთვის საფრთხეს წარმოადგენდა.
ტრამპის თქმით, ირანის მიერ გაშვებული რაკეტების თითქმის ყველა ამერიკულმა საჰაერო თავდაცვის სისტემებმა მოიგერია.
