კოლუმბიაში 10 აგვისტოს მომხდარი 7.4 მაგნიტუდის მიწისძვრის შედეგად დაღუპულთა რაოდენობამ 254-ს მიაღწია. სამაშველო სამუშაოები კვლავ გრძელდება. დაღუპულთა რაოდენობა შესაძლოა კიდევ გაიზარდოს, რადგან მაშველები ნანგრევებში გადარჩენილებს ეძებენ. იუწყება Reuters
მიწისძვრამ განსაკუთრებით მძიმე შედეგები ქვეყნის დასავლეთ ნაწილში გამოიწვია. ჩამოინგრა ან სერიოზულად დაზიანდა საცხოვრებელი სახლები, სკოლები და სამედიცინო დაწესებულებები.
ყველაზე მეტი მსხვერპლი დაფიქსირდა პერეირასა და კალის რაიონებში - არსებული მონაცემებით, პერეირაში 101 ადამიანი დაიღუპა, კალიში კი 95.
სამაშველო ოპერაციაში მონაწილეობენ მაშველები, სამხედროები და მოხალისეები. ნანგრევებიდან ადამიანების ცოცხლად გამოყვანის შემთხვევებიც ფიქსირდება. ერთ-ერთი ბოლო შემთხვევისას მაშველებმა ჩამონგრეული შენობიდან 32 წლის ქალი გადაარჩინეს.
Reuters-ის ცნობით, ეს კოლუმბიაში მიმდინარე საუკუნეში ყველაზე დამანგრეველი მიწისძვრაა.
