ენდი ბერნემი გაერთიანებული სამეფოს 59-ე პრემიერ-მინისტრი ოფიციალურად გახდა. იუწყება BBC
მეფე ჩარლზ III-მ კირ სტარმერის გადადგომა ოფიციალურად მიიღო, რის შემდეგაც ენდი ბერნემი ბუკინგემის სასახლეში მივიდა და მონარქისგან ახალი მთავრობის ფორმირების მანდატი მიიღო.
ბუკინგემის სასახლის ცნობით, ბერნემმა მეფის შეთავაზება მიიღო.
„მისმა უდიდებულესობამ აუდიენციაზე მიიღო პარლამენტის წევრი, ენდრიუ ბერნემი და სთხოვა მას ახალი ადმინისტრაციის ჩამოყალიბება. პარლამენტის წევრმა, ენდრიუ ბერნემმა, მიიღო მეფის შეთავაზება და პრემიერ-მინისტრად და ხაზინის პირველ ლორდად დანიშვნისას ხელზე აკოცა“, - აღნიშნულია ბუკინგემის სასახლის განცხადებაში.
დიდი მანჩესტერის ყოფილი მერი, რომელსაც „ჩრდილოეთის მეფის“ მეტსახელით იცნობენ, ბოლო ათი წლის განმავლობაში დიდი ბრიტანეთის მეშვიდე პრემიერ-მინისტრი გახდა.
კირ სტარმერმა მეფე ჩარლზთან შეხვედრამდე მოკლე გამოსამშვიდობებელი განცხადება გააკეთა და აღნიშნა, რომ პრემიერ-მინისტრის თანამდებობას ღიმილით ტოვებს.
