ნორვეგიის მუნიციპალიტეტ დრემენში მასშტაბური ხანძარი საცხოვრებელ რაიონს მოედო, რის შედეგადაც 100-ზე მეტი საცხოვრებელი სახლი დაიწვა.
მედიის ცნობით, მასშტაბური ხანძარი მუნიციპალიტეტში პარასკევს, 17 ივლისს გაჩნდა. შაბათს დილის მდგომარეობით, მეხანძრეებს მისი კონტროლის ქვეშ მოქცევას ამ დრომდე ცდილობენ.
„ტყის სიღრმეში რამდენიმე ადგილას კვლავ არის კერები, რომლებთან ბრძოლაც მთელი შაბათის განმავლობაში მოგვიწევს“, 0 განაცხადა დრემენის რეგიონის სახანძრო სამსახურის ოპერაციის ხელმძღვანელმა.
პოლიციის ინფორმაციით, ამ დროისთვის 100-ზე მეტი სახლი სრულად განადგურებულია, ხოლო რამდენიმე ასეული ადამიანი ევაკუირებულია.
აღნიშნულია, რომ ორი ადამიანი კვამლით ინტოქსიკაციის ნიშნებით საავადმყოფოში გადაიყვანეს. მათგან ერთ-ერთი სამოქალაქო თავდაცვის სამსახურის თანამშრომელია.
გარდა ამისა, ერთი მეხანძრე მსუბუქად დაშავდა, ხოლო რვა პოლიციელმა კვამლისგან ინტოქსიკაცია მიიღო.
