უკრაინის უმაღლესმა რადამ ქვეყნის ახალ პრემიერ-მინისტრად სერჰი კორეცკი დაამტკიცა.
შესაბამის გადაწყვეტილებას მხარი 289-მა დეპუტატმა დაუჭირა.
სერჰი კორეცკიმ განაცხადა, რომ მომავალი ზამთარი შესაძლოა კიდევ უფრო რთული იყოს, ამიტომ მისთვის მზადება ახალი მთავრობის ერთ-ერთი მთავარი პრიორიტეტი იქნება.
ამის შესახებ მან პრემიერ-მინისტრის თანამდებობაზე მისი დანიშვნის საკითხზე კენჭისყრამდე, უკრაინის უმაღლეს რადაში სიტყვით გამოსვლისას განაცხადა.
„კარგად მესმის, რომ ეს ზამთარი შესაძლოა კიდევ უფრო რთული იყოს. ამიტომ უნდა ვიყოთ ერთიანი და მტკიცე, რათა დავიცვათ ადამიანები და უზრუნველვყოთ სახელმწიფოს სასიცოცხლოდ მნიშვნელოვანი სისტემების გამართული ფუნქციონირება“, - განაცხადა კორეცკიმ.
მისი თქმით, მთავრობამ უნდა უზრუნველყოს თავდაცვის ძალების მხარდაჭერა, გააფართოოს სამხედრო-სამრეწველო კომპლექსი, დაეხმაროს მოსახლეობას და გააძლიეროს სოციალური დაცვა, განსაკუთრებით ფრონტისპირა თემებში.
კორეცკიმ ახალი მთავრობის მთავარ ამოცანებად ასევე დაასახელა: მომავალი ზამთრისთვის მზადება; ბიზნესის მხარდაჭერა; საერთაშორისო პარტნიორებთან თანამშრომლობის გაძლიერება; საერთაშორისო დახმარების მოზიდვა და მისი ეფექტიანი გამოყენება; უკრაინის ევროკავშირში გაწევრიანების პროცესის წინსვლა.
