უკრაინის პრეზიდენტი ვოლოდიმირ ზელენსკი იმედოვნებს, რომ უკრაინა 2026 წლის ბოლოსთვის შეძლებს Patriot-ის საჰაერო თავდაცვის სისტემებისთვის რაკეტების ტექნიკურ წარმოებას.
ამის შესახებ მან ჟურნალისტებთან საუბრისას განაცხადა.
ზელენსკის თქმით, უკრაინა ამჟამად მუშაობს Patriot-ის წარმოების ლიცენზიის მიღებაზე. მან ასევე ისაუბრა იმაზე, თუ როდის შეძლებს უკრაინა ამერიკული რაკეტების საკუთარი ძალებით წარმოებას.
„ჩვენ ველოდებით, რომ 2026 წლის ბოლოსთვის მივიღებთ შესაძლებლობას, უკრაინული გუნდის ძალებით ტექნიკურად ვაწარმოოთ ამერიკული რაკეტები“, - განაცხადა ზელენსკიმ.
შეგახსენებთ, რომ 8 ივლისს, ნატო-ს სამიტის ფარგლებში დონალდ ტრამპისა და ვოლოდიმირ ზელენსკის შეხვედრის დროს, აშშ-ის პრეზიდენტმა განაცხადა, რომ ვაშინგტონი უკრაინას Patriot-ის წარმოების უფლებას მისცემს.
მოგვიანებით ზელენსკიმ აღნიშნა, რომ ტრამპთან პოლიტიკური შეთანხმების შემდეგ, რომელიც Patriot-ის წარმოების ლიცენზიას ეხება, უნდა დაიწყოს მისი ტექნიკური განხორციელების პროცესი.
მედიის ცნობით, უკრაინისთვის Patriot-ის საჰაერო თავდაცვის სისტემების ამერიკული რაკეტა-ჩამჭრელების წარმოება, სავარაუდოდ, რომელიმე ევროპულ ქვეყანაში მოეწყობა. ერთ-ერთ განსახილველ ვარიანტად გერმანია სახელდება.
