ლატვიური ფარმაცევტული კომპანია Olainfarm საკუთარი წარმოების მოდერნიზებაში უახლოესი ორი-სამი წლის განმავლობაში 5 მილიონი ლატის ინვესტირებას გეგმავს. კომპანია Olainfarm საკუთარი პროდუქციის ექსპორტს საქართველოშიც ახორციელებს.
მხოლოდ გასული წლის განმავლობაში, კომპანიის ბრუნვა 2009 წელთან შედარებით 13%-ით გაიზარდა და 25.2 მილიონი ლატი შეადგინა.
გასულ წლის 9 თვეში კომპანიის მიერ საქართველოში განხორციელებული ექსპორტი კი 33%-ით გაიზარდა.
"კონკურენტუნარიანობის გასაზრდელად ჩვენ უახლოეს წლებში უნდა განვახორციელოთ მოდენიზაცია. ამჯამად ჩვენი თანამშრომლების შრომის ნაყოფიერება ოთხჯერ დაბალია საშუალო ევროპულ მაჩვენებელზე, შრომის ანაზღაურება კი 2-2.5 ჯერ დაბალი", _ განაცხადა კომპანიის ერთ-ერთმა ხელმძღვანელმა ვალერი მალიგინმა.
Olainfarm გასული წლის მაჩვენებლების გაუმჯობესებას მიმდინარე წელსაც გეგმავს. კომპანიას დაგეგმილი აქვს ასევე საექსპორტო არეალის გაფართოება და ქსპორტის ზრდა.
