უნგრეთმა მოკავშირეების ნდობა უნდა აღადგინოს, ხოლო რუსეთისთვის „კარი დახუროს“. ამის შესახებ ქვეყნის თავდაცვის მინისტრმა რომულუშ რუზინ-სენდიმ განაცხადა, ინფორმაციას ადგილობრივი მედია ავრცელებს.
„იმისთვის, რომ ახალმა მთავრობამ საკუთარი სტრატეგია შეიმუშაოს, მან უნდა გაითვალისწინოს როგორც ქვეყნის, ისე მისი მოკავშირეების ინტერესები და ღირებულებები. უნგრეთის ინტერესები მის მოკავშირეთა ინტერესებს ემთხვევა და მათი ნდობის აღდგენა აუცილებელია.
სწორედ ამიტომ, მთავრობის ერთ-ერთი პირველი ნაბიჯი იყო ბოდიშის მოხდა ზოგიერთი მოკავშირის, მათ შორის ფინეთის მიმართ, რომლის ნატო-ში გაწევრიანება წინა ხელისუფლებამ შეაფერხა“, - განაცხადა მინისტრმა.
რუზინ-სენდიმ აღნიშნა, რომ როგორც სამხედრო, წინა ადმინისტრაციის პოზიციას მიუღებლად მიიჩნევს.
„უნგრეთმა მოკავშირეების ნდობა უნდა აღადგინოს, რუსებისთვის კარს ვხურავთ“, - განაცხადა მან და დასძინა, რომ რუსეთის დაზვერვა „უკანა კარიდან შეღწევას ცდილობდა“.
