აშშ-ის პრეზიდენტმა დონალდ ტრამპმა განაცხადა, რომ თეირანმა შეერთებულ შტატებთან შეთანხმება უნდა გააფორმოს, წინააღმდეგ შემთხვევაში ქვეყანას მძიმე შედეგები ელოდება.
ამის შესახებ ტრამპმა Fox News-თან ინტერვიუში განაცხადა.
„უმჯობესია, შეთანხმებას მოაწეროთ ხელი. წინააღმდეგ შემთხვევაში თქვენგან აღარავინ დარჩება“, - განაცხადა ტრამპმა.
ტრამპის თქმით, აშშ მშვიდობიანი მოსახლეობის მიმართ „ძალიან ფრთხილად მოქმედებს“, თუმცა აღნიშნა:
„მაგრამ მე ვუთხარი: უმჯობესია, შეთანხმებას დათანხმდეთ. წინააღმდეგ შემთხვევაში, თქვენგან აღარაფერი დარჩება.“
აშშ-ის პრეზიდენტის განცხადებით, ეს გზავნილი ირანს მისი წარმომადგენლებისა და თეირანის ოფიციალური პირების ბოლო კონტაქტის დროს გადაეცა.
შეკითხვაზე, მიაჩნია თუ არა, რომ ირანი ასეთ შეთანხმებას დათანხმდება, ტრამპმა უპასუხა:
„უნდა დათანხმდნენ. არ ვიცი, გააკეთებენ თუ არა ამას.“
გარდა ამისა, იმავე ინტერვიუში ტრამპმა გააფრთხილა, რომ თუ თეირანი მოლაპარაკებების მაგიდას მომავალ კვირაში არ დაუბრუნდება, აშშ ირანში ხიდებსა და ელექტროსადგურებზე დარტყმებს განახორციელებს.
