რუსეთის პრეზიდენტი ვლადიმირ პუტინი კრემლში ოკუპირებული ცხინვალის ე.წ. პრეზიდენტის მოვალეობის შემსრულებელს მარატ კამბოლოვს შეხვდა. ინფორმაციას რუსული მედია ავრცელებს.
„დარწმუნებული ვარ, რომ თქვენი პირადი დიდი სამუშაო გამოცდილება რუსეთის ფედერაციის ფედერალურ ორგანოებში, სამინისტროებსა და უწყებებში, ასევე მეცნიერების სფეროში, დაგეხმარებათ რესპუბლიკის განვითარებისთვის პირველი ხარისხის ამოცანების სწორად განსაზღვრაში და შემდეგ ამ ამოცანების შესრულებაში. ამაში ეჭვი არ მეპარება. „გისურვებთ წარმატებებს სამხრეთ ოსეთში მომავალ საარჩევნო ღონისძიებებში და იმედი მაქვს, რომ რესპუბლიკის მცხოვრებლები მხარს დაგიჭერენ, თქვენ კი, თავის მხრივ, გაამართლებთ მათ ნდობას“, - განაცხადა პუტინმა.
