14 ივლისს, უკრაინისთვის ევროკავშირში გაწევრიანების მოლაპარაკებების მე-6 კლასტერის გახსნის შემდეგ, დანარჩენი კლასტერების საკითხი შემოდგომამდე გადაიდება.
ამის შესახებ ლიეტუვის საგარეო საქმეთა მინისტრმა კესტუტის ბუდრისმა დღეს, ევროკავშირის საგარეო საქმეთა საბჭოს შეხვედრის ფარგლებში განაცხადა. იუწყება უკრაინული მედია.
ლიეტუვის საგარეო საქმეთა მინისტრის განცხადებით, უკრაინისთვის პირველი და მე-6 კლასტერების გახსნის შემდეგ, დანარჩენი კლასტერების საკითხი შემოდგომამდე გადაიდება.
„ივლისში უკვე აღარ არსებობდა ობიექტური დაბრკოლებები ყველა კლასტერის გასახსნელად. მაგრამ ხვალ ჩვენ მხოლოდ მეორე და მე-6 კლასტერებს გავხსნით, ხოლო ყველა დანარჩენს შემოდგომამდე გადავდებთ“, - განაცხადა ბუდრისმა.
მისი თქმით, დარწმუნებულია, რომ „ეს შეფერხება, რომელიც ისევ და ისევ მეორდება, ჩვენი აზრით, ძალიან კონტრპროდუქტიულია, რადგან ის აფერხებს და ასევე ანელებს მოლაპარაკებების პროცესს“.
