არიან მოწმეები, არის მტკიცებულებები, ფოტო და ვიდეო მასალაც, დევნის ფაქტიც, რომ მუდამ ჩემს ლოკაციებზე იყო, სადაც ვიყავი, კარგი ის არის, რომ რეაგირება მოჰყვა - ამის შესახებ პოლიციის ყოფილი მაღალჩინოსნის, შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ყოფილი უფროსის მეუღლემ სოფიო სიგუა-შატბერავამ განაცხადა.
მისი თქმით, ასეთი საქმე არ უნდა ხალისდებოდეს.
"კარგია, ის რომ შემაკავებელი დარჩა ძალაში, სამაჯური დარჩა ძალაში. ის ყოველთვის მემუქრებოდა მძიმე, გაუხსნელი მკვლელობით, ძალადობდა ჩემზე და ეს ხდებოდა არასრულწლოვანი შვილების თანდასწრებით. მას შემდეგ რაც ხმა ამოვიღე, ყველა დამიპირისპირდა, თუმცა ჯერ-ჯერობით ყველაფერი ისე დასრულდა, როგორც არის.
მთელი ამ 13 წლის კასკადი წარმოდგენილია, არიან მოწმეები, არის გარკვეული მტკიცებულებები, რაღაც ფოტომასალა, რაღაც ვიდეო-მასალა. პლუს ეს დევნის ფაქტი. კარგია, ის რომ რეაგირება მოხდა და ეს საპასუხო რეაქცია რაც მათ ჰქონდათ, რომ ჩემი გამოსვლის შემდეგ ის დაეწინაურებინათ, ეს ჩემი ქეისი კი არა, ზოგადად პრობლემაა. ასეთი საქმე არ უნდა წახალისდეს.
სამართლებრივ დავას ვაგრძელებ. ხანდაზმულობას რაც შეეხება, რომელზეც მისი ადვოკატები პროცესზე საუბრობდნენ, როცა ძალადობა ორსულობის პერიოდში და არასრულწლოვნების თანდასწრებით ხდება, ამას ხანდაზმულობის ვადა არ აქვს, რადგან მძიმე დანაშაულია, აქ იანვრის ფაქტიცაა, 2014 წლის, 2025 წლის, 2026 წლის ფაქტებიც,"- განუცხადა სოფიო სიგუა-შატბერავა.მ ჟურნალისტებს.
