პოლიციის მაღალჩინოსანმა, იოსებ სიგუამ, რომელსაც მისი მეუღლე ფიზიკურ ძალადობასა და მუქარაში ადანაშაულებს, თანამდებობა დატოვა.
სიგუას მეუღლემ სოფია სიგუა-შატბერავამ „ნოდარ მელაძის შაბათში“ განაცხადა, რომ იოსებ სიგუა მას სიცოცხლის მოსპობით, მე-12 სართულიდან გადაგდებით, კასრში ჩასმითა და დამარხვით ემუქრებოდა.
სიგუა ამ დრომდე შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსის პოზიციას იკავებდა. ამ თანამდებობაზე ის რამდენიმე დღის წინ დაინიშნა.
მანამდე, სიგუა თბილისის პოლიციის დეპარტამენტის დეტექტივების მთავარი სამმართველოს უფროსად მუშაობდა.
შატბერავას განცახდებით, იოსებ სიგუას გუშინ სამარალდამცავებმა ელექტორნული სამაჯური შეაბეს. ამასთან, მას შემაკავებელი ორდერი აქვს გამოწერილი და იარაღის ტარების უფლება შეეზღუდა.
