უკრაინის პრეზიდენტი ვოლოდიმირ ზელენსკი კიევში ამერიკელ რესპუბლიკელ სენატორს, ლინდსი გრემს შეხვდა. მხარეებმა უკრაინის საჰაერო თავდაცვის გაძლიერება და რუსეთის წინააღმდეგ სანქციების შესახებ კანონპროექტზე აშშ-ის კონგრესში მიმდინარე მუშაობა განიხილეს.
ზელენსკის თქმით, გრემისთვის ეს უკრაინაში უკვე მეათე ვიზიტია.
უკრაინის პრეზიდენტმა სენატორს უკრაინის საჰაერო თავდაცვის საჭიროებების შესახებ ინფორმაცია მიაწოდა. შეხვედრაზე ასევე განიხილეს აშშ-ის კონგრესში რუსეთის წინააღმდეგ სანქციების შესახებ კანონპროექტზე მიმდინარე მუშაობა.
„მადლობელი ვარ ლინდსის ჩვენი სამხედროების დამსახურების აღიარებისთვის. რაც უფრო ძლიერი იქნება უკრაინა ბრძოლის ველზე, მით მეტი შანსი ექნება დიპლომატიას, საბოლოოდ შედეგი გამოიღოს,“ - განაცხადა ზელენსკიმ.
მანამდე ,დღეს გრემმა განაცხადა, რომ თეთრ სახლთან რუსეთის წინააღმდეგ სანქციების შესახებ კანონპროექტის ვერსიაზე შეთანხმება მიღწეულია.
ჯერ კიდევ 2025 წლის ნოემბრის შუა რიცხვებში გრემი აცხადებდა, რომ დონალდ ტრამპმა კონგრესს რუსეთის წინააღმდეგ სანქციების შესახებ დიდი ხნის განმავლობაში შეჩერებული კანონპროექტის მიღებისთვის „მწვანე შუქი“ აუნთო.
2026 წლის იანვარში კი სენატორმა თქვა, რომ აშშ-ის პრეზიდენტმა რუსეთის წინააღმდეგ სანქციების ორპარტიულ კანონპროექტს მწვანე შუქი მისცა.
