ბელგიის პრემიერ-მინისტრმა ბარტ დე ვევერმა ნატო-ს სამიტიდან სამშობლოში დაბრუნების შემდეგ აღმოაჩინა, თურქეთის პრეზიდენტ რეჯეფ თაიფ ერდოღანის მიერ ნაჩუქარი რევოლვერი, რამაც ის ძალიან გააკვირვა.

ამის შესახებ Belga News Agency იუწყება.

როგორც ცნობილია, ბელგიის პრემიერ-მინისტრმა საჩუქარი მხოლოდ მას შემდეგ ნახა, რაც მელსბრუკის სამხედრო აეროდრომზე დაეშვა.

რევოლვერის აღმოჩენის შემდეგ დე ვევერმა იარაღი მელსბრუკის აეროპორტის პოლიციას გადასცა. იქ ის იარაღისთვის განკუთვნილ სეიფში მოათავსეს.

მანამდე გავრცელდა ინფორმაცია, რომ ერდოღანმა ცეცხლსასროლი იარაღი ნატო-ს სამიტზე ჩასულ ევროკავშირის მაღალი რანგის წარმომადგენლებ - ევროპული საბჭოს პრეზიდენტ ანტონიო კოშტას და ევროკომისიის პრეზიდენტ ურსულა ფონ დერ ლაიენსაც აჩუქა.

ამასთან, დიდი ბრიტანეთის პრემიერ-მინისტრმა კირ სტარმერმა ნაჩუქარი რევოლვერი თურქეთში დატოვა, რადგან გაერთიანებულ სამეფოში საბრძოლო ცეცხლსასროლი იარაღის შეტანა კანონით აკრძალულია.