არსებობს რაღაცა წითელი ხაზები, რის მერეც ქართველი კაცი ფიზიკურად ვერ მოითმენს, - ამის შესახებ "ქართული ოცნების" დეპუტატმა ლევან მაჭავარიანმა მედიასთან განაცხადა.
"ძალიან სამწუხაროა ეს ყველაფერი. რა თქმა უნდა საზოგადოებასთან ბოდიშს ვიხდით ამ ყველაფერთან დაკავშირებით, უბრალოდ არსებობს რაღაცა წითელი ხაზები, რის მერეც ქართველი კაცი ფიზიკურად ვერ მოითმენს. იყო ძალიან სერიოზული შეურაცხყოფები, რომელიც პირდაპირ დავალებული ჰქონდა გიორგი გახარიას, რაც უნდა მიეყენებინა მის ქვეშევრდომებს ჩვენი გუნდისთვის. იყო პირადი შეურაცხყოფები, ძალიან მძიმე. ქართული ოცნების გუნდის უდიდესი უმრავლესობა აშველებდა და სწორედ ამ გაშველების შედეგი არის ის, რომ ეს ადამიანები ამ დარბაზიდან გავიდნენ. სხვათა შორის გიორგი შარაშიძე იყო, რომელიც ასევე შეურაცხყოფებით გამოირჩეოდა დღეს და ხელიც არ მოხვედრია ისე გავიდა დარბაზიდან", - თქვა ლევან მაჭავარიანმა.
ცნობისთვის, პარლამენტის დღევანდელ დასკვნით სასესიო სხდომაზე "ქართული ოცნებისა" და გახარიას პარტიის წევრები ერთმანეთს დაუპირისპირდნენ.
