ოკუპირებული ცხინვალის რეგიონის ე.წ. პრეზიდენტმა ალან გაგლოევმა განაცხადა, რომ გადადგა და მუშაობას იწყებს რუსეთის პრეზიდენტის ადმინისტრაციაში. ინფორმაციას რუსული მედია ავრცელებს.
მისი თქმით, გუშინ მას შეხვედრა ჰქონდა ვლადიმირ პუტინთან, რომელმაც შესთავაზა რუსეთის პრეზიდენტის ადმინისტრაციაში მრჩევლის პოზიციაზე გადავიდეს და ხელი შეუწყოს გაფორმებული "შეთანხმების" რაელიზებას და "სამხრეთ ოსეთთან" თანამშრომლობის გაძლიერებას.
„გუშინ მქონდა შეხვედრა რუსეთის ფედერაციის პრეზიდენტ ვლადიმირ პუტინთან, რომელმაც შემომთავაზა რუსეთის პრეზიდენტის ადმინისტრაციაში მისი მრჩევლის პოზიციაზე გადავიდე და ხელი შევუწყო ჩვენს მიერ ხელმოწერილი შეთანხმების განხორციელებას, ასევე სამხრეთ ოსეთის რესპუბლიკასთან ურთიერთობების გაუმჯობესებას“, - თქვა მან.
რუსული მედია წერს, რიმ ე.წ. სამხრეთ ოსეთის "პრეზიდენტის მოვალეობას" დროებით "მთავრობის თავმჯდომარე" მარატ კამბოლოვი შეასრულებს .
როგორც რუსული მედია აღნიშნავს, ე.წ.არჩევნები უნდა ჩატარდეს არაუგვიანეს 21 სექტემბრისა.
