დნიპროპეტროვსკის ოლქის ქალაქ კრივი რიჰში სარაკეტო დარტყმის შედეგად სამი ადამიანი დაიღუპა, ხოლო ათზე მეტი დაშავდა. ამის შესახებ ქალაქის თავდაცვის საბჭოს თავმჯდომარემ ოლექსანდრ ვილკულმა განაცხადა.
მისი თქმით, დარტყმა სამოქალაქო ინფრასტრუქტურის ობიექტზე განხორციელდა. დაღუპულთა შორის სამი ადამიანია, ხოლო დაშავებულები, რომელთა რაოდენობა ათს აღემატება, საავადმყოფოებში არიან გადაყვანილი. ნაწილი მათგანი მძიმე მდგომარეობაშია და ოპერაციები უტარდებათ. ექიმები მათ სიცოცხლეს გადასარჩენას ცდილობენ.
ვილკულის ინფორმაციით, ქალაქზე შეტევა ბალისტიკური რაკეტებით განხორციელდა.
შემდეგ მან დაამატა, რომ თავდასხმის შედეგად 19 ადამიანი დაშავდა, მათგან ხუთი მძიმე მდგომარეობაში იმყოფება.
თავის მხრივ, დნიპროპეტროვსკის საოლქო სამხედრო ადმინისტრაციის ხელმძღვანელმა ოლექსანდრ ჰანჯამ განაცხადა, რომ კრივი რიჰზე განხორციელებული სარაკეტო დარტყმის შედეგად დაზიანდა სამრეწველო ინფრასტრუქტურა.
