პოლონური წარმოშობის ბელარუსი ჟურნალისტი, ყოფილი პოლიტპატიმარი, სახაროვის პრემიის ლაურეატი, ანჯეი პოჩობუტი დღეს ევროპარლამენტში სტყვით გამოვიდა და "ქართულ ოცნებას" მზია ამაღლობელის დაუყოვნებლივ გათავისუფლებისკენ მოუწოდა.
მისი თქმით, საქართველო სწრაფად დგამს ნაბიჯებს ავტორიტარიზმისკენ.
"დღეს მთელს მსოფლიოში, კუბიდან, ვენესუელიდან დაწყებული, ავღანეთით, ირანით, ტიბეტით და ჩრდილოეთ კორეით დამთავრებული, ხალხს დევნიან პოლიტიკური მოტივით. ირღვევა ადამიანის უფლებები. მსოფლიოში ახალი ავტოკრატების თავდასხმების ქვეშ თავისუფლების სივრცე ვიწროვდება. მაგალითია საქართველო, რომელიც სწრაფად დგამს ნაბიჯებს ავტორიტარიზმისკენ. მზია ამაღლბელი ციხეში რჩება, რომელიც ანდრეი სახაროვის პრემიის ლაურეატია ჩემთან ერთად. მივმართავ საქართველოს ხელისუფლებას დაუყოვნებლივ გაათავისუფლოს ციხეში მყოფი ჟურნალისტი",- განაცხადა ანჯეი პოჩობუტმა ევროპარლამენტის პლენარულ სხდომაზე. ["ევროსკოპი"]
