აშშ-ის წარმომადგენელთა პალატამ, დემოკრატიული პარტიის წარმომადგენლების მხრიდან არსებული კრიტიკის მიუხედავად 70-მილიარდიანი საიმიგრაციო აღსრულების დაფინანსების პაკეტი დაამტკიცა.
ინიციატივას მხარი დაუჭირა 214-მა კანონმდებელმა, 212 კი წინააღმდეგი წავიდა. მანამდე კანონპროექტმა სენატშიც მიიღო მხარდაჭერა, ახლა კი ის აშშ-ის პრეზიდენტმა დონალდ ტრამპმა უნდა მოაწეროს ხელი.
კანონპროექტი ითვალისწინებს იმიგრაციისა და საბაჟო კონტროლის სამსახურის (ICE) და საბაჟო-სახელმწიფო საზღვრის დაცვის სამსახურის (CBP) საქმიანობის დაფინანსებას. რესპუბლიკელთა განცხადებით, ეს გადაწყვეტილება გააძლიერებს საზღვრის კონტროლს და გააუქმებს დემოკრატების მიერ მანამდე შექმნილ დაბრკოლებებს ICE-ისა და სასაზღვრო უწყებების დაფინანსებაზე.
თანხა გათვლილია სამ წელზე - ტრამპის საპრეზიდენტო ვადის დასრულებამდე.
