უკრაინამ თავისი შორი მოქმედების სანქციები პერმში, ჩელიაბინსკსა და ეკატერინბურგში აამოქმედა. რუსეთის ხელმძღვანელობას არაერთხელ შევთავაზეთ სამშვიდობო ნაბიჯები, თუმცა პასუხად მხოლოდ დარტყმები მივიღეთ. სწორედ ამიტომ, ე.წ. „შორი მოქმედების სანქციები“ მიემართება რუსეთის შორეულ წერტილებზე, რომლებიც დაკავშირებულია სამხედრო-სამრეწველო კომპლექსთან. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„მადლობას ვუხდი ჩვენს მებრძოლებს სიზუსტისთვის. დღეს უკრაინის შორი მოქმედების სანქციები კვლავ პერმშია - ეს ჩვენი საზღვრიდან 1500 კილომეტრზე მეტია. ახლახან მნიშვნელოვანი შედეგები იყო ჩელიაბინსკშიც , რომელიც 1800 კილომეტრსია და ეკატერინბურგშიც - თითქმის 2000 კილომეტრსი. უკრაინის შორი მოქმედების შედეგები ასევე იგრძნობოდა ნოვოროსიისკში, კრიმსკში, ტუაფსეში, სამარასა და ნიჟნი ნოვგოროდის ოლქებში“, - აღნიშნა ზელენსკიმ.
მისი თქმით, უკრაინა არაერთხელ სთავაზობდა რუსეთს მშვიდობისკენ სვლას, თუმცა პასუხად მხოლოდ ახალი დარტყმები მიიღო. ამიტომ, მისი განმარტებით, უკრაინის „შორი მოქმედების სანქციები“ მიმართულია რუსეთის იმ ობიექტებისკენ, რომლებიც სამხედრო მრეწველობას, ომის ინფრასტრუქტურასა და აგრესიის დაფინანსებას უკავშირდება.
ზელენსკის განცხადებით, რუსეთს ყოველდღე აქვს არჩევანი - შეწყვიტოს ომი და გადავიდეს მშვიდობაზე.
„და არა რამდენიმე საათით, რათა მოიპოვოს ნებართვა მოსკოვში აღლუმის ჩატარებაზე, არამედ ისე, რომ რეალურად დაიცვას ადამიანების სიცოცხლე. საჭიროა ადამიანების მოფრთხილება და არა აღლუმები“, — აღნიშნა მან.
უკრაინის პრეზიდენტმა ასევე განაცხადა, რომ აუცილებელია მშვიდობისკენ რეალური ნაბიჯების გადადგმა და არა „მსოფლიო დედაქალაქებში 9 მაისისთვის პაუზის თხოვნა“.
ზელენსკიმ მადლობა გადაუხადა ყველას, ვინც ხელს უწყობს რუსეთისთვის მშვიდობის აუცილებლობის გაცნობიერებას.
