საფრანგეთის პრეზიდენტმა ემანუელ მაკრონმა ირანის პრეზიდენტ მასუდ ფეზეშქიანთან სატელეფონო საუბარი გამართა.
„ყველა მხარემ უნდა მოხსნას სრუტის ბლოკადა დაუყოვნებლივ და უპირობოდ. უნდა დავუბრუნდეთ ნავიგაციის სრული თავისუფლების რეჟიმს, რომელიც კონფლიქტამდე არსებობდა“, – დაწერა საუბრის შემდეგ მაკრონმა სოციალურ ქსელში.
მან ქვეყნებს მოუწოდა, შეუერთდნენ საფრანგეთისა და დიდი ბრიტანეთის მიერ ინიცირებულ საზღვაო მისიას, რომელიც სრუტეში გადაზიდვების უსაფრთხოების უზრუნველყოფას ისახავს მიზნად.
„ბოლო მოვლენები ნათლად აჩვენებს, რამდენად სასარგებლო იქნება ასეთი მისია. ირანის პრეზიდენტს მოვუწოდე, ისარგებლოს ამ შესაძლებლობით და ვაპირებ ამ საკითხის განხილვას პრეზიდენტ ტრამპთანაც.
სრუტეში სიმშვიდის დაბრუნება ხელს შეუწყობს ხელს შეუწყობს ბირთვულ, სარაკეტო და რეგიონულ საკითხებზე მოლაპარაკებების წინსვლას.. ევროპელები, რომელთა მეშვეობითაც სანქციების მოხსნა ხდება შესაძლებელი, თავიანთ ადგილს დაიკავებენ ამ პროცესში“, – წერს მაკრონი.
