ამერიკის პრეზიდენტმა დონალდ ტრამპმა განაცხადა, რომ აშშ-ის სამხედროებმა ჰორმუზის სრუტეში შვიდ ირანული კატერს დაარტყა, რომლებიც ცდილობდნენ „ნეიტრალური ქვეყნების“ სამოქალაქო გემებზე თავდასხმას.
ამის შესახებ ტრამპი Truth Social-ში წერს.
ტრამპის თქმით, ირანმა „ნეიტრალური ქვეყნების“ გემებს ცეცხლი გაუხსნა PROJECT FREEDOM-ის ფარგლებში. მათ შორის, ცეცხლის ქვეშ მოექცა სამხრეთ კორეის სატვირთო გემიც.
ტრამპმა აღნიშნა, რომ შესაძლოა, უკვე დროა, სამხრეთ კორეაც შეუერთდეს მისიას.
"ირანმა გემების გადაადგილებასთან დაკავშირებით, PROJECT FREEDOM-ის დროს, გარკვეული დარტყმები მიაყენა იმ ქვეყნებსაც, რომლებიც ამ პროცესში უშუალოდ არ იყვნენ ჩართულნი, მათ შორის, სამხრეთ კორეის ერთ სატვირთო გემსაც. შესაძლოა, უკვე დროა, სამხრეთ კორეაც შეუერთდეს ამ მისიას.
ჩვენ გავანადგურეთ შვიდი მცირე ზომის კატერი ან, როგორც თავად უწოდებენ, „სწრაფ“ ნავებს. ფაქტობრივად, ეს არის თითქმის ყველაფერი, რაც მათ დარჩათ. სამხრეთ კორეული გემის გარდა, ამ დროისთვის სრუტეში გამავალ ხომალდებს ზიანი არ მიუღიათ.
ომის მდივანი პიტ ჰეგსეთი და გაერთიანებული შტაბების უფროსთა კომიტეტის თავმჯდომარე დენ კეინი ხვალ დილით პრესკონფერენციას გამართავენ", - წერს ტრამპი.
