უკრაინის პრეზიდენტმა ვოლოდიმირ ზელენსკიმ ერევანში, ევროპული პოლიტიკური საზოგადოების სამიტის ფარგლებში სლოვაკეთის პრემიერ-მინისტრ რობერტ ფიცოსთან შეხვედრა გამართა.
ზელენსკის თქმით, შეხვედრაზე განიხილეს სხვადასხვა სფეროში თანამშრომლობის საკითხი და ასევე დაგეგმეს უახლოეს პერიოდში მთავრობათაშორისი კომისიის ფორმატში მთავრობის დონეზე შეხვედრა.
მხარეებმა ასევე ისაუბრეს კიევისა და ბრატისლავის ორმხრივ ვიზიტებზე და შეთანხმდნენ, რომ მათი გუნდები შეათანხმებენ შესაბამის გრაფიკს.
ზელენსკიმ აღნიშნა, რომ უკრაინა ღიაა სლოვაკეთთან კონსტრუქციული დიალოგისთვის და დაინტერესებულია მჭიდრო ურთიერთობების განვითარებით.
მისი თქმით, შეხვედრაზე ასევე განიხილეს უკრაინის ევროკავშირში გაწევრიანების საკითხი. ზელენსკის განცხადებით, სლოვაკეთი მხარს უჭერს უკრაინის ევროკავშირში გაწევრიანებას და მზად არის ამ გზაზე დახმარებისთვის, რისთვისაც მან მადლობა გადაუხადა.
