ირანის საგარეო საქმეთა მინისტრმა აბას არაღჩი სატელეფონო საუბარი გამართა საფრანგეთისა და იტალიის საგარეო საქმეთა მინისტრებს და მათ სამშვიდობო მოლაპარაკებებთან დაკავშირებით ირანის პოზიცია გააცნო. იუწყება Sky News.
ირანული მხარის ინფორმაციით, ირანული მხარის ინფორმაციით, არაღჩიმ საფრანგეთისა და იტალიის საგარეო საქმეთა მინისტრებს განუცხადა, რომ ირანის მიზანი ვითარების დეესკალაციაა. არაღჩიმ ფრანგ და იტალიელ კოლეგებს აცნობა „ირანის ისლამური რესპუბლიკის პოზიციები და ინიციატივები, რომლებიც მიზნად ისახავს იძულებით თავსმოხვეული ომის დასრულებას“.
აბას არაღჩიმ იტალიის საგარეო საქმეთა მინისტრ ანტონიო ტაიანითან საუბრისას უკმაყოფილება გამოხატა ევროპული ქვეყნების „არაკონსტრუქციული“ მიდგომის გამო ირანის ბირთვული პროგრამის მიმართ. მისი თქმით, პროგრამა „აბსოლუტურად მშვიდობიანია“.
თუმცა ტაიანიმ სოციალურ მედიაში აღნიშნა, რომ არაღჩის უთხრა, რომ ბირთვული იარაღის მქონე ირანი იტალიისთვის „წითელი ხაზია“.
სამშვიდობო მოლაპარაკებები შეფერხებულია ირანის მიერ გამდიდრებული ურანის მარაგის გამო, რომელიც ენერგიის წარმოებისთვის საჭირო დონეს აღემატება და რომელზე უარის თქმასაც აშშ მოითხოვს.
