უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთმა ბოლო ერთი კვირის განმავლობაში უკრაინის წინააღმდეგ დაახლოებით 1600 დრონი გაუშვა.
ზელენსკის თქმით, მხოლოდ მიმდიბარე კვირის განმავლობაში დაფიქსირდა:
დაახლოებით 1600 დრონით; თითქმის 1100 მართვადი საავიაციო ბომბით და 3 რაკეტით თავდასხმა.
მისი განცხადებით, ეს რაოდენობა წინა კვირასთან შედარებით ნაკლებია, თუმცა მაინც ძალიან მასშტაბურ თავდასხმად რჩება.
„რუსები ცდილობენ მასობრივი შეტევებით გადატვირთონ ჩვენი საჰაერო თავდაცვა, ამიტომ რაკეტების მიწოდება ყოველდღიურად ძალიან მნიშვნელოვანია. ასევე მნიშვნელოვანია, რომ აგრესორზე ზეწოლა არ შემცირდეს, რადგან ნებისმიერი სანქციების შემსუბუქება მხოლოდ ავსებს რუსეთის ბიუჯეტს, რომელსაც ისინი ომისთვის ხარჯავენ,“ - განაცხადა ზელენსკიმ.
ამასთან, უკრაინის პრეზიდენტი ასევე გამოეხმაურა რუსეთის მიერ განხორციელებული შეტევას ხერსონიში ავტობუსზე, რომელსაც 2 ადამიანი ემსხვერპლა. ვოლოდიმირ ზელენსკიმ ამ ინციდენტს „ფრონტისპირა თემებში სასტიკი სანადირო მოქმედება“ უწოდა.
