ირანი უნდა დაჯდეს მოლაპარაკების მაგიდასთან. მან უნდა შეწყვიტოს დროის გაყვანა. აღარ უნდა ჰყავდეს მძევლად მთელი რეგიონი და მთელი მსოფლიო, - ამის შესახებ გერმანიის კამცლერმა ფრიდრიხ მერცმა ქვემო საქსონიაში, გერმანიის სახმელეთო ჯარების ცენტრში ვიზიტისას განაცხადა
„ჩვენ ვალდებული ვართ, სასწრაფოდ დავასრულოთ ირანის მიერ ჰორმუზის სრუტის ბლოკადა. გერმანია მზადაა სამხედრო ზომებისთვის ნავიგაციის თავისუფლების უზრუნველსაყოფად. კვიპროსში ევროპული საბჭოს შეხვედრის წინ მე მოვუწოდე თეირანზე სანქციების ზეწოლის კიდევ ერთხელ გაძლიერებისკენ, რადგან ჰორმუზი დაბლოკილი თუ დარჩება, ეს ყველა ჩვენგანისთვის უზარმაზარ ეკონომიკურ ზიანს გამოიწვევს.
ჩვენი გზავნილი ასეთია: ირანი უნდა დაჯდეს მოლაპარაკების მაგიდასთან. მან უნდა შეწყვიტოს დროის გაყვანა. აღარ უნდა ჰყავდეს მძევლად მთელი რეგიონი და მთელი მსოფლიო. ირანის სამხედრო ბირთვული პროგრამა უნდა შეწყდეს. აღარ უნდა მოხდეს თავდასხმები ისრაელზე და ჩვენს პარტნიორებზე რეგიონში. ყველა ამ საკითხზე ჩვენ მჭიდრო და ნდობაზე დაფუძნებულ კონტაქტში ვართ ჩვენს პარტნიორებთან, მათ შორის განსაკუთრებით ვაშინგტონთან,“ - განაცხადა ფრიდრიხ მერცმა.
