აშშ-ის ომის მდივანმა პიტ ჰეგსეთმა განაცხადა, რომ ევროპამ და აზიამ „ათწლეულების განმავლობაში ისარგებლეს აშშ-ის დაცვის ქოლგით, მაგრამ უფასო სარგებლობის დრო დასრულდა“.
„ამერიკა და თავისუფალი სამყარო იმსახურებს ისეთ მოკავშირეებს, რომლებიც არიან ქმედითუნარიანები, ერთგულები და ესმით, რომ მოკავშირეობა ცალმხრივი ქუშა არ არის — ეს ორმხრივი ქუჩაა.
ჩვენ ევროპის იმედი არ გვაქვს, მაგრამ მათ ჰორმუზის სრუტე ჩვენზე ბევრად მეტად სჭირდებათ და შესაძლოა, აჯობებს, ნაკლები ილაპარაკონ, ნაკლები პომპეზური კონფერენციები ჩაატარონ და ჩასხდნენ ნავში. ეს მათი ბრძოლა უფროა, ვიდრე ჩვენი,“ — თქვა მან.
მისივე თქმით, ირანის პორტების ბლოკადა „სულ უფრო ძლიერდება“.
„არავინ გადაადგილდება ჰორმუზის სრუტიდან მსოფლიოს არცერთ წერტილში შეერთებული შტატების საზღვაო ძალების ნებართვის გარეშე. თეირანის რეჟიმისთვის ბლოკადა საათობრივად მკაცრდება. ჩვენ ვაკონტროლებთ“, – განაცხადა ჰეგსეთმა.
