თემურ ქეცბაია თბილისის „დინამოს“ მთავარი მწვრთნელი გახდა. აღნიშნულის შესახებ თბილისის „დინამომ“ პრესკონფერენცია გამართა, სადაც თემურ ქეცბაია ოფიციალურად წარადგინეს. „დინამომ“ ქეცბაიასთან ხელშეკრულება 2028 წლამდე გააფორმა.
„მადლობა ნდობისთვის. მომეცა შესაძლებლობა, ვიმუშაო იმ გუნდში, სადაც დიდხანს ვითამაშე და ახლა, წლების შემდეგ, მწვრთნელად დავბრუნდი. „დინამო“ საქართველოში პირველი გუნდია და უნდა გავაკეთოთ ის, რაც ამ კლუბს შეეფერება", - განაცხადა ქეცბაიამ.
ქეცბაიამ აღნიშნულ პოსტზე ვლადიმერ კაკაშვილი შეცვალა, თავად კი ბოლოს „ანორთოსისში“ მუშაობდა.
