უკრაინის პრეზიდენტი ვოლოდიმირ ზელენსკი აცხადებს, რომ უცხოური სამხედრო კონტინგენტის განთავსება უკრაინაში ფრონტის ხაზზე რუსეთის მომავალი აგრესიისგან მნიშვნელოვანი შემაკავებელი ფაქტორი იქნებოდა.
ამის შესახებ მან CNN-თან ინტერვიუში განაცხადა. იუწყება უკრაინის პრეზიდენტის ადმინისტრაცია.
„ფრონტის ხაზზე უცხოური ძალების განთავსება რუსეთს ახალი ომის დაწყებას ძალიან გაურთულებდა. ათ შიში აქვთ მხარდამჭერ ძალების, ბაზებისა და საერთაშორისო წარმომადგენლების.. თუ ასეთი ყოფნა არ იქნება, სიტყვები პუტინს ვერ შეაჩერებს.
თუ ჩვენ ნამდვილად გვინდა მისი შეჩერება, არ ვარ დარწმუნებული, რომ გავლენიანი ქვეყნები მხოლოდ შუამავლობით შეძლებენ ამას. შუამავლობის პირობებში ის პასუხისმგებლობას არ გრძნობს — ეს სერიოზული პრობლემაა. მე არავის ვაიძულებ მხარის არჩევას, მაგრამ თუ გვინდა ომის დასრულება, უნდა ვუთხრათ პუტინს, რომ ის ცდება. არ ვარ დარწმუნებული, რომ კომპრომისებზე დაფუძნებული დიალოგი მუშაობს,“ - განაცხადა ზელენსკიმ.
ზელენსკიმ ასევე თქვა, რომ მისი აზრით, აშშ-ის პრეზიდენტმა დონალდ ტრამპმა, ჩინეთის ლიდერმა სი ძინპინმა, ინდოეთის პრემიერ-მინისტრმა ნარენდრა მოდიმ და სხვა გავლენიანმა მსოფლიო ლიდერებმა უნდა დაარწმუნონ რუსეთის პრეზიდენტი ვლადიმირ პუტინი ომის შეჩერებაში.
