აშშ-ის პრეზიდენტმა დონალდ ტრამპი განაცხადა, რომ მას არ აშფოთებს უნგრეთის პრემიერ-მინისტრის, ვიქტორ ორბანის მარცხი 12 აპრილის არჩევნებში, მიუხედავად იმისა, რომ ის ღიად უჭერდა მას მხარს.
ამის შესახებ ტრამპმა ABC News-ის ჟურნალისტ ჯონათან კარლთან ინტერვიუში განაცხადა.
აშშ-ის პრეზიდენტმა თქვა, რომ მას მოსწონს უნგრეთის მომავალი პრემიერ-მინისტრი - პარტია „ტისას“ ლიდერი პეტერ მადიარი.
„ვფიქრობ, ახალი პრემიერ-მინისტრი თავის მოვალეობებს კარგად შეასრულებს - ის კარგი ადამიანია“, - თქვა ტრამპმა.
მისი თქმით, მადიარი ადრე ორბანის პარტიის, "ფიდესის" წევრი იყო და იმიგრაციის საკითხში მსგავსი შეხედულებები აქვს.
„ვფიქრობ, ის კარგი პრემიერი იქნება“, - დაამატა აშშ-ის ლიდერმა.
ტრამპმა ასევე აღნიშნა, რომ არ იცის შეიცვლებოდა თუ არა რამე, თავად რომ ჩასულიყო უნგრეთში და ორბანისთვის აგიტაცია გაეწია. როგორც ცნობილია, ბუდაპეშტში რამდენიმე დღით ადრე ჩავიდა აშშ-ის ვიცე-პრეზიდენტი ჯეი დი ვენსი.
„ის [ორბანი] მნიშვნელოვნად ჩამორჩებოდა. მე ამ საქმეში ძალიან ჩართული არ ვიყავი. თუმცა ვიქტორი კარგი ადამიანია“, - განაცხადა ტრამპმა.
