NASA-ს მისია Artemis II 11 აპრილს, 04:07-ზე (თბილისის დროით) წყნარ ოკეანეში, სან-დიეგოს სანაპიროსთან დაეშვა.
NASA-მ განაცხადა, რომ Artemis II-ის მისიის ხომალდის Orion-ის ეკიპაჟმა წყალში დაშვება წარმატებით განახორციელა.
დაშვების შემდეგ Artemis II მისიის მეთაურმა, რეიდ ვაიზმანმა განაცხადა, რომხომალდის ეკიპაჟის მდგომარეობა დამაკმაყოფილებელია.
„საოცარი მოგზაურობა იყო! ჩვენ სტაბილურ მდგომარეობაში ვართ. ეკიპაჟის ოთხივე წევრი თავს კარგად გრძნობს,“ - თქვა ვაიზმანმა
NASA-ს ხელმძღვანელის, ჯარედ აიზეკმანის თქმით, შეერთებული შტატები გააგრძელებს მისიებს, ვიდრე 2028 წელს მთვარეზე დაჯდომას არ განახორციელებს.
წყალში დაშვების შემდეგ NASA-სა და აშშ-ის სამხედროების გაერთიანებული ჯგუფი ეკიპაჟს ვერტმფრენით გადაიყვანს სამხედრო გემ USS John P. Murtha-ზე.
გემზე ასვლის შემდეგ ასტრონავტები გაივლიან მისიის შემდგომ სამედიცინო შემოწმებას, რის შემდეგაც ისინი დაბრუნდებიან ნაპირზე და თვითმფრინავით გაემგზავრებიან ჰიუსტონში, კოსმოსური ფრენების ცენტრში.
7 აპრილს ასტრონავტმა კრისტინა კოხმა განაცხადა, რომ Artemis II-ის ეკიპაჟმა წარმატებით შეასრულა მთვარის შემოვლა და დაამყარა ახალი რეკორდი - ადამიანის ყველაზე შორ მანძილზე ყოფნა კოსმოსში მთელი ისტორიის განმავლობაში.
NASA-მ Artemis II-ის მისია 1-ელ აპრილს, ადგილობრივი დროით 18:35-ზე გაუშვა (თბილისის დროით — 2 აპრილს 02:35 საათზე).
