ვიქტორ ორბანი დაუღალავად იბრძვის თავისი დიდი ქვეყნისა და ხალხისთვის და უყვარს, ისევე როგორც მე მიყვარს ამერიკის შეერთებული შტატები, - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
ტრამპი მოუწოდებს უნგრელებს, მხარი დაუჭირონ ვიქტორ ორბანს.
"უნგრეთის ღრმად პატივცემული პრემიერ-მინისტრი ვიქტორ ორბანი არის ნამდვილად ძლიერი და გავლენიანი ლიდერი, რომელსაც აქვს შესანიშნავი შედეგების მიღწევის დადასტურებული გამოცდილება. ის დაუღალავად იბრძვის თავისი დიდი ქვეყნისა და ხალხისთვის და უყვარს ისინი, ისევე როგორც მე მიყვარს ამერიკის შეერთებული შტატები. ვიქტორი ბევრს მუშაობს უნგრეთის დასაცავად, ეკონომიკის ზრდისთვის, სამუშაო ადგილების შექმნისთვის, ვაჭრობის ხელშეწყობისთვის, არალეგალური იმიგრაციის შეჩერებისთვის და კანონისა და წესრიგის უზრუნველყოფისთვის!
უნგრეთსა და ამერიკის შეერთებულ შტატებს შორის ურთიერთობები ჩემს ადმინისტრაციის დროს ახალ სიმაღლეებს მიაღწია თანამშრომლობისა და განსაკუთრებული წარმატების კუთხით, რაც დიდწილად პრემიერ-მინისტრ ორბანს უკავშირდება. მოუთმენლად ველოდები მასთან მჭიდრო თანამშრომლობის გაგრძელებას, რათა ორივე ქვეყანამ კიდევ უფრო გააძლიეროს ეს უზარმაზარი წარმატებისა და თანამშრომლობის გზა.
მე ვამაყობდი, რომ 2022 წელს ვიქტორის ხელახალი არჩევა დავუჭირე მხარი და პატივია, რომ ამას კვლავ ვაკეთებ.
არჩევნების დღე კვირაა, 2026 წლის 12 აპრილი. უნგრეთო: გამოდით და მიეცით ხმა ვიქტორ ორბანს. ის არის ნამდვილი მეგობარი, მებრძოლი და გამარჯვებული და მას აქვს ჩემი სრული და უპირობო მხარდაჭერა უნგრეთის პრემიერ-მინისტრად ხელახალი არჩევისთვის — ვიქტორ ორბანი არასდროს გაუცრუებს იმედს უნგრეთის დიდ ხალხს. მე მას ბოლომდე ვუდგავარ გვერდით!" - წერს ტრამპი.
