თეთრ სახლში აცხადებენ, რომ დონალდ ტრამპი ნატო-დან აშშ-ის გასვლის შესაძლებლობას ალიანსის გენერალურ მდივანთან, მარკ რუტესთან განიხილავს.
ამის შესახებ თეთრი სახლის პრესსპიკერმა, ქეროლაინ ლევიტმა ჟურნალისტების კითხვებზე საპასუხოდ განაცხადა.
მისი თქმით, ტრამპმა სინანული გამოთქვა იმის გამო, რომ ნატო-მ ბოლო ექვსი კვირის განმავლობაში „ზური შეაქცია“ ამერიკელებს, მიუხედავად იმისა, რომ სწორედ ამერიკელი ხალხი აფინანსებდა მათ უსაფრთხოებას.
ლევიტის თქმით, ტრამპი ელის, რომ რამდენიმე საათში ოვალურ კაბინეტში დაწყებულ შეხვედრაზე გენერალურ მდივან მარკ რუტესთან „ძალიან გულწრფელ საუბარს“ გამართავს.
ლევიტს კითხვა დაუსვეს, სერიოზულად განიხილავს თუ არა ტრამპი ნატო-დან გასვლას მისი უკმაყოფილების გამო, რაზეც მან ცოტა ხნის წინ საჯაროდ ისაუბრა.
პრესსპიკერმა უპასუხა, რომ ეს „არის ის, რაზეც პრეზიდენტმა ისაუბრა და ვფიქრობ, ერთ-ერთი საკითხის, რომელსაც პრეზიდენტი რამდენიმე საათში გენერალურ მდივან რუტესთან განიხილავს“.
